Afrikaans Wereldwyd - Worldwide

[appelkie]

As ek moet kies, kies ek 1000 keer Suid-Afrika, bo enige ander land. Dis n pragtige land, met soveel moontlikhede.

Maar as ek kon kies, sal ek net een ding wil verwyder he, of dalk n paar, maar alles loop hand aan hand met my EEN. Dit is die ONVEILIGE situasie in ons dierbare land..... ongelykhede, moord, verkragting, steel, bedriery, alles het dit in gemeen met hierdie EEN.

Ander lande het tog ook onveilige toestande, maar dit word vasgevat. Hier word niks daaromtrent gedoen nie. So blyk dit. Ek stem saam dit maak mens soms bang, om hier te leef. Maar hoe minder ek daaraan dink, hoe beter vir my. Ek steur my nie meer aan die nuus nie, ek kan dit tog nie verander nie.

Baie mense oorsee wil terugkeer, maar hierdie negatiewe dinge stuit hulle teen die bors. Dis nogal jammer dat dit nie veiliger hier is nie. Alles kan tog so mooi wees.

Oorseese lande het baie mooi plekke. So ook Suid-Afrika. Ek is absoluut mal oor die oorsese ou geboue. Dit vertel n storie, nes hier.

Ek wou al baie opgepak het in die land verlaat het, maar my 2 kids hou my hier. Hulle is my lewe. En ook my diere. Hoe kan ek hulle agterlaat. En gaan ek werklik daar gelukkig wees. Ek sal nie weet wat om te kies of waarheen om te gaan nie.

Ry ek rond in die natuur in Suid-Afrika, veral die mooi wildtuine en die pragtige dele in die Kaap, Mpumalanga, ens ens, se ek, dis darem nie oral onveilig nie.

Ek bly lief vir Suid-Afrika. Het ook op n plaas grootgeword. My wortels le hier.

Maar ek begeer meer veiliger toestande vir ons, veral vir ons boere gemeenskappe.

En ek raak onrustig, want dinge lyk of dit baie toeneem, die anargie en die negatiewe dinge.

[Yezedi (Angel in Arabies)]

Ja mense, ons almal verlang na Afrika want die bloed is in ons are. Maar as jy soos ek, 2 keer in 2 maande ge-hijack was, 57 geweerskote in jou kar en jy kom daaruit sonder 'n skrapie aan jou lyf, dan se die sielkundiges jy kies die "fright and flee" uitweg. Gee nie om watter uitweg en wie se wat nie. Ek is hier in Sydney nou al vir 3 maande en daar is nie 'n manier dat ek teruggaan nie.

My hele familie het agtergebly, my kind sal seker oor 'n jaar oorkom, maar vir my - ek is veilig en "after all" ek is gelukkig dat ek nog die "move" kon maak.

Dit bly op die ou einde jou eie keuse.
_________________
My hart bly Afrikaans